“E interesnan di Hulanda Karibense ta hopi biaha un pensamentu sekundario
pa polítika na Den Haag i Brussel. Ounke e parti Karibense tin mas o menos mes un kantidat di
habitante ku Utrecht, e di kuater suidat di Hulanda, i por lo tanto tambe ta konta. Dia 6 di yüni
próksimo lo tin e elekshon pa e Parlamento Europeo i tambe ta e momentu pa sinti e forsa aki.
Europa ta tambe pa nos.” Ku e mensahe aki, kandidato Parlamentario Kenville Kleinmoedig
tabata un siman na Boneiru.
Kleinmoedig a nase i krese na Kòrsou i ta papia papiamentu perfektamente, i ta e úniko kandidato
antiano. Komo studiante na Rotterdam, ela bira aktivo polítikamente, pasombra “nos bos tambe
mester keda tende.” Rekordando su bishita, ela enfatisá e importansia di e apoyo di EU, espesialmente
pa organisashonnan i komunidatnan chiki. Presisamente nan ta hasi e trabou ku normalmente no lo
keda kompletá i ta difísil pa haña otro fondo pe. Kenville a enfoká riba Boneiru durante su bishita
investigativo na e partinan karibense di Hulanda, pasombra e biaha aki pa falta di tempu,
lamentablemente e no por a bishitá Saba i St. Eustatius. Sinembargo, e ta tene kuenta tambe ku e
interesnan di e habitantenan di Saba i St. Eustatius den Parlamento Europeo.
E kandidato hóben a yega Boneiru ku dos mishon konkreto. “Meskos na Rotterdam, ainda no ta kla pa
tur hende kiko e influensia di EU ta i dikon ta importante pa bo laga bo bòs resoná. Komo e úniko
kandidato antiano, ta mas ku normal ku lo mi duna mi aporte.” Igualmente importante ta e dos
obhetivo. “Awo ta e momentu pa investigá kon EU por hasi e diferensia na Boneiru i den henter
Hulanda Karibense.”
Bishitanan na diferente organisashon i eventonan a laga un impreshon grandi riba Kenville
Kleinmoedig. “Ta e di tres biaha ku mi tabata presente na Dia di Rincon. Esei ta un privilegio, pa motibu
di su signifikashon i pasombra e impakto di e evento a sigui krese. E bishita na STINAPA, e outoridat
di protekshon di naturalesa di e islanan BES, a trese konosementu nobo riba e importansia i e
resultado di nan trabou riba i rondó di Boneiru. Tambe e manera di traha di Jong Bonaire a laga un
impreshon positivo. “Hubentut ta e futuro i Jong Bonaire ta duna forma na e futuro aki ku aktividatnan
i kampamentunan di zomer, i si tin mas nesesidat, ku e programa di Begeleid Wonen.” Tambe Kenville
a tene un kòmbersashon informativo i revelador ku representantenan di Greenpeace Boneiru tokante
e efektonan di kambio di klima riba Boneiru.
‘Europa tambe ta di nos,’ ta e lema di Kenville Kleinmoedig, ku ta e hilu kora durante e enkuentronan
ku e kandidato tabatin na Boneiru, entre otro ku Gezaghebber Oleana, e diputadonan i miembronan
di Konseho Insular.
