Partido FUTURO di mr. Gerlien Croes ayera nochi a inicia di biaha cu nan campaña despues di a logra e firmanan necesario pa por participa den eleccion parlamentario. Esaki lo tuma luga dia 6 di december awo.
Awe pa 9’or en punto e dependance di Censo na Playa y otro oficinanan di MFA na Savaneta y Paradera a habri nan porta pa cuminsa ricibi e ciudadanonan cu ta apoya un di e ocho partidonan cu mester di firma pa participa den eleccion.
FUTURO a haci un apelacion na tur su simpatisantenan pa apoya nan lista di dies candidato. Importante den henter e desaroyo ta pa un partido tin un plan y un vision, esaki no ta e caso di partido FUTURO te dia di awe no a presenta ningun plan y vision con y kico lo nan haci como politiconan pa Aruba.