Durante Tourism Corporation Bonaire (TCB) su evento di Taste of Bonaire ku a tuma lugá djasabra 27 di sèptèmber último, a duna rekonosementu na tres hóben boneriano ku a destaká den deportenan di bokseo i karate, tantu riba nivel interinsular komo nivel internashonal.
E deportistanan ku a risibí e rekonosementu akí ta:
Everon Vrutaal ku a gana e título di Karate Champion Ecuador Open 2025
Ricardi Muñoz ku a titulá kampion den Youth Heavyweight Boxing Battle of the Islands
Dylan Sint Jago ku a titulá kampion den Junior Featherweight of the Golden Jab Awards resientemente na Kòrsou
Tur tres deportista a keda rekonosé komo embahador di Boneiru, pa e logro grandi ku kada un di nan a establesé i pa mantené Boneiru su nòmber haltu den kompetensianan internashonal i interinsular. Pa e okashon akí direktora di TCB Elesiër Angel i Helen Mercera a hasi entrega di plakat i e regalonan korespondiente.
TCB ta felisitá Everon, Ricardi i Dylan i ta deseanan hopi éksito.
