E fraccion di PPA ta sigui cu atencion cerca e desaroyonan reciente entre Venezuela y Merka den area Caribe. Segun e partido, e tension na region ta un punto di preocupacion, no solamente pa islanan Caribeño, pero tambe pa Hulanda mes.
Durante un sesion informativo recientemente na Tweede Kamer, Ministerio di Asuntonan Exterior y Ministerio di Defensa a ser yama pa duna claridad riba posicion di Hulanda y e medidanan cu por wordo tuma den caso di diferente desaroyo den situacion internacional.
Ministro di Defensa a bisa na parlamentario cu, aunke e situacion ta merece bishita cerca, no tin motibo pa alarma. E a enfatisa cu Hulanda ya tin prepara un plan di actua riba cuatro scenarionan distinto pa proteha y defende su teritorio y su comunidad den Caribe, si e situacion na Venezuela of Merca ta evoluciona di un manera cu por afecta e region.
PPA ta insisti riba importancia pa keda alerta y pa tene un dialogo continuo entre Hulanda y islanan Caribeño, pa garantisa cu medida adecua ta wordo tuma na tempo.