E banda lo sali for di Aruba dia 2 di maart y lo presenta na diferente localnan di Lower East Side durante e festival internacional di seis dia dedica na descubrimento di musica. for di 3 di maart te 8 di maart, marcando e prome biaha cu un banda di Aruba a wordo invita pa e evento.
Programa di presentacion:
3 di maart, 9:15 p.m. — Pianos
5 di maart, 7 p.m. — Ki Smith Gallery
6 di maart, 9:30 p.m. — Laurie Beechman Theatre (presentacion priva filma)
8 di maart, 4:45 p.m. — Pianos
E presentacion di 6 di maart lo wordo filma dilanti di un publico invita.
New Colossus Festival ta un showcase anual cu ta enfoca riba artistanan independiente y emergente for di tur parti di mundo, cu mas cu 130 banda presentando na localnan intimo den Lower East Side di New York City.
Piano ta un local di musica en vivo situa na Lower East Side di Manhattan. Ki Smith Gallery ta un espacio di arte contemporaneo cu ta organisa eventonan interdisciplinario di arte visual y musica en vivo.
Tokante activemirror
activemirror ta un banda alternativo y post-punk di Aruba, kende su musica ta explora memoria, identidad y lugá dor di composicionnan atmosferico y presentacionnan en vivo inmersivo. Anteriormente, e banda a representa Aruba na Music Matters Live na Singapur y na festival North by Northeast (NXNE) na Canada, mientras cu tambe ta contribui na desaroyo di escena di musica original na e isla.
