Minister di Asuntonan Financiero y Integridad, Geoffrey Wever, a sali recientemente riba un biahe oficial pa e ciudadnan di New York, Londen y Amsterdam, acompaña pa dos empleado di su departamento publico. Segun ta indica cu e proposito principal di e biahe ta pa sostene convocacionnan cu diferente inversionistanan y institucionnan financiero den exterior.
Den un entrevista Segun Minister Wever, e agenda di trabou ya ta inclui un serie di reunionnan programa cu inversionistanan cu a mustra interes den Aruba. Durante e encuentro-nan, lo wordo presenta informacion amplio tocante e oportunidadnan economico cu e isla ta ofrece y con e inversionnan por contribui na crecemento economico local.
Minister Wever a indica cu tin un lista di inversionista cu ta sigui de cerca e desaroyonan economico di Aruba y cu ta evaluando posibilidad nan pa inverti den diferente sector. El a bisa cu e reunionnan tin como meta pa fortalece confianza den e mercado Arubiano y crea oportunidadnan pa desaroyo sostenibel. Pero kico realmente Aruba tin mester na e momentonan aki como inversionista? Esaki no tin un claridad riba dje ainda y tampoco no a haci un investigacion riba e parti aki ainda tampoco. Esaki ta mustra cu e gobierno di AVP-FUTURO no tin un direccion economico di kico kier pa Aruba , pero ta dies busca invercionista ad-hoc pa Aruba, esaki ta decisionnan sabio pa pais Aruba ?
Aruba mester haci un investigacion y un evaluacion di kico tin mester na Aruba, ki tipo di inversionista e Pais tin mester. Loke cu e Arubiano nan mes por haci na Aruba e deber di un gobierno ta pa sostene esaki y crea posibilidad nan pa e local nan , esaki ta sosode realmente? Minister Geoffrey Wever ta haci diferente “trademission” Mision Comercial na diferente pais enrealidad e tabata un proceso fructifero pa Aruba? Kico realmente ta e meta y e logronan di e “trademission” cu a tuma luga na diferente Pais caba? , Aruba a logra algo cu esaki realmente ? of solamente e tabata un show y gastamento di placa di pueblo di Aruba?
