Diabierna 10 di april 2026 Unit Narcotica a tene un accion na diferente adresnan cu a resulta den desmantelacion di plantacion grandi di droga.
E adresnan tabata na Seroe Blanco, Bernadetastraat, Korvetstraat y Edisonstraat.
Durante e investigacion na e sitionan menciona, polis a descubri diferente cultivo di marihuana. A confisca un total di 354 mata di marihuana, banda di un cantidad considerabel di e mesun droga ya procesa. Ademas a confisca un gran cantidad di artefacto y productonan cu ta wordo uza pa e plantacion y mantencion di e matanan aki.
Durante e entrada hudicial a haci detencion di 4 persona . Ta trata di G.V.M. naci na Aruba di 38 aña, C.P.K. naci na Aruba di 50 aña, S.K.J.D. naci na Aruba di 25 aña y S.E.L. naci na Aruba di 56 aña.
Na e accion a forma parti diferente departamento di Cuerpo Policial. Ta trata di Unidad K-9, personal di polis uniforma, Flex Team y RRT.
No ta descarta cu lo tin mas detencion den e dianan nos dilanti.
Polis NO ta para keto y e accionnan aki lo sigui pa keda combati criminalidad y e traficacion di droga den nos barionan.
Cuerpo Policial Aruba ta keda recorda nos comunidad si bo a wak algo of sa algo yama e tiplijn di polis cu ta 11141. Bo anonimidad ta keda garantisa
