E discusion rond di e proyectonan di ley di Reino structural pa supervision financiero a drenta un fase crucial. Mientras cu Aruba ta den e gara di e propuesta Rijkswet HOFA (Houdbare Overheidsfinanciën Aruba), e eco di e debate aki a alcansa topnan politico na Corsou. Den un entrevista exclusivo, e Presidente di Parlamento di Corsou, Fergino Brownbill Parlamento di Corsou, Fergino Brownbill, a subraya e diferencianan fundamental entre e regimen financiero cu Corsou ta biba bou di dje,e Rijkswet Financieel Toezicht (RFT) y e cuadro legal masha stringente cu Hulanda kier impone riba Aruba.
E analisis di Brownbill ta benta un luz briyante riba e nivel di autonomia cu cada isla ta conserva organicamente. Segun e lider legislativo di e isla ruman, e RFT na Corsou tin un funcion primordialmente regulatorio y den cuadro general pa mantene e finansas publico mas ordena y manehabel posibel, sin cu esaki ta nifica un intervencion directo den e decisionnan politico diario di e pais.
E Limitacion di e RFT: Solamente pa Fianza di Capital na Corsou
Brownbill a splica detayadamente e unico momento cu e mecanismo di supervision structural na Corsou ta rekeri un aprobacion formal di e organo supervisor. “Serca nos, e RFT ta pa encuadra algo. E ta pone un regulacion pa bo mantene bo finansas publico mas ordena y manehabel posibel,” asina e mandatario a declara. El a enfatisa cu e intervencion di Hulanda of di e organo di supervision tin un limitacion masha cla transparente den e ley.
“E unico momento cu tin un decision visibelmente cu tin cu wordo tuma, of un aprobacion “laga mi corigi mi mes, aprobacion”anto e aprobacion ey ta necesario solamente ora cu e pais dicidi di haci un fianza. Anto e fianza ey bo por haz’e solamente tambe pa bo balans di capital (capital dens) y no pa bo balans coriente (current dens).” Fergino Brownbill, Presidente di Parlamento di Corsou
Esaki ta nifica un diferencia abysmal cu e intentonan di control cu Aruba ta enfrenta. Bou di e RFT di Corsou, e decisionnan soberano riba proyectonan interno, inversionnan publico y maneho gubernamental ta keda totalmente den man di e pais mes, categorisa bou di e gobernacion autonomo. Hulanda no por mete den e decisionnan strategico aki, basta cu nan no ta mishi cu fiansanan exterior structural cu ta afecta e balances di capital di Corsou.
Aruba bou di e sombra di un regimen mas Stricto
Ora a confronta e Presidente di Parlamento di Corsou cu e reality cu Aruba ta enfrentando via e Rijkswet HOFA un instrumento legal cu hopi analista ta considera un ley nacional transforma pa duna un control completo y absoluto riba finansas publico,Brownbill a expresa cautelosamente pero sumamente directo den su definicion: “Serca boso, esey ta un poco mas stringente. Den e cuadro di e ‘HOFA’ manera ta wordo selecta e concepto di e Conseho/HOFA, esey ta hopi mas streng.”
El a destaca cu Corsou structuralmente no conoce e tipo di fuanan aki. “Atoobi serca nos, e unico cos cu nos conoce ta e RFT. Anto deriva di esey, bo tin e colegio di supervision (CFT). Pero no ta asina cu nos “Corsou” tin un ley nacional pa duna of otorga ningun tipo di supervision legal directo of unilateral na Hulanda,” Brownbill a aclara, lagando habri e conclusion cu Aruba su proposicion actual ta bay hopi mas leu den e entrega di su prerogativanan financiero nacional.
Un Alerta Constitucional pa Aruba
E Rijkswet HOFA no ta simplemente un copia di e RFT di Corsou, sino un instrumento structuralmente mas rigido, designa pa reduci significativamente e margen de accion presupuestario di e gobernantenan Arubano.
Mientras Corsou ta sinta legalmente bou di un cuadro di supervision limita na control di fianza y capital, Aruba ta wordo pusha pa acepta un supervision cu ta drenta te den e venanan di su maneho via di LWHO , presupuestario interno. E comparacion aki, expuesto for di e mesun perspectiva di Corsou, ta duna un perspectiva critico y un advertencia claro riba e caminda constitucional cu Aruba ta canando.