Lider di fraccion Eduard Pieters ta sumamente contento cu presentacion di señora Suzette Dumfries como nation builder. E tabata un presentacion cu a keda duna na comunidad completo, na San Nicolas na Teresa Center. Pero di biaha a invita señora Dumfries y e la reach out tambe di manera cu e la duna di conoce, haciendo un reach out na otro instancia, pa recomenda y toch tene cuenta cu e resultado di e trabou y di e investigacionnan cu e la haci, cu ta hopi importante pa desaroyo di Aruba y en particular San Nicolas.
Fraccion di PPA tabatin un encuentro hunto cu varios miembro di partido tambe, pa sigui e presentacion aki cu ta sin duda importante pa e presente y futuro di pais Aruba. PPA a haya informacion di kico ta e historia, kico ta e desaroyo antropologico di antes, pero tambe loke ta pasando actualmente. Banda di esaki, proximamente lo bay wak tambe con nos por desaroya pais Aruba, reforzando nos unico pilar economico, cu ta turismo, pero mas bien e parti di e desaroyo humano, cu ta hopi importante pa un sociedad, pa un comunidad, y specificamente pa un isla manera Aruba, unda nos ta biba di nos hendenan, pasobra nos hendenan mester di dje, y definitivamente nos hendenan mester ta central.
Lider di fraccion di PPA ta indica cu e presentacion tabata hopi bon. Tambe a haya diferente componente cu mester tene cuenta cu ne na momento cu ta papia di construccion di un pais, construccion di un nacion.
Fraccion di PPA ta kere cu e infrastructura social, como un principio y organisacionnan hopi importante, ta hunga un rol importante, pero tambe e parti di e desaroyo humano ta sumamente importante. Nos mester mira con importante educacion y enseñanza ta hunga un rol. Si nos por hinca den nos institutonan educacional e parti di identidad, pa honra, pa nos por salvaguardia y pa nos por ta orguyoso di nos identidad y di nos cultura, e ta algo sumamente importante pa loke ta nation building, pa loke ta construccion di nos nacion, cu nos ta yama pais Aruba.
Lider di fraccion di PPA, Eduard Pieters, di curason ta duna danki na señora Suzette Dumfries cu a presenta su plan. Ban scucha señora Suzette Dumfries su mensahe, pasobra akinan nos ta papia di un Aruba. Un Aruba cu mester di un desaroyo integral pa nos por sigui hiba e pais aki padilanti. Banda di esaki, e cos mas bunita di henter e plan aki ta cu ta nos propio Arubiano ta esun cu ta trece tur hende hunto pa un meta: crea un fundeshi fuerte pa desaroya Aruba na e mihó manera.