Fundacion Salvaguardia e Herencia Cultural di Aruba (FSHCA) ta cumpli su prome aña di existencia, habriendo porta riba 30 di juli 2025. Durante e aña aki, e fundacion a organisa diferente evento exitoso pa engrandece e cultura y tradicion di Pais Aruba den tur districto, segun ta informa pa presidente Marlene Maduro y tesorero Donicia Quant.
Entre e actividadnan organisa pa e fundacion ta inclui:
5 di maart 2026: Un evento dedica na himno y bandera bou di e carchi nomber di “Carrousel Cultural” na Centro Bario Lago Heights.
26 di april 2026: Un evento dedica na dia di rey bou di e carchi nomber di “Cultura Majestuoso” na Centro Bario Lago Heights.
E fundacion tambe ta conta cu “ABC Performing Arts Aruba”, cual ta duna les di actuacion, baile, y canto pa diferente grupo di edad (di 9 pa 12 aña, 13 pa 18 aña, y adulto). E alumnonan a presenta algun obra teatral y musical importante, manera e obra di Robotino na Scol di Arte pa e grupo di 9 pa 12 aña, y e obra musical “Our First Act” pa e grupo di 13 pa 18 aña y adultonan. Ademas, e fundacion a contribui cu e obranan “Secreto di Brua” y “Otorgaita Canta” den combinacion cu CEDE Aruba y Farpa.
Pa por sigui eherce nan metanan, prepara programa grandi y mediano, organisa actividadnan cultural, y sosten di e fundacion, FSHCA ta habri pa ricibi donacion y ta gradici Elmar NV pa nan patrocinio den pasado.
Esnan cu kier yuda duna un man y contribui na mantene nos cultura bibo pa e siguiente generacionnan por haci esaki dor di duna un tiki placa.
- Banco: Aruba Bank
- Number di cuenta: 7689910190
Pa mas informacion, por manda un e-mail na Fundacionsalvaguardia@gmail.com of yama na 7309696 / 5941912.