Aruba Bank ta orguyoso di a forma parti di The Roots of Renewal Project, un iniciativa organisa como parti di Aruba Doet cu ta tuma lugar anualmente. E projecto aki a trece bida, bunitesa y un conexion nobo den e bario di Mabon durante un dia di colaboracion, creatividad y e amor pa duna un man.
Cu e apoyo balioso di 11 boluntario di Aruba Bank, e grupo a bin hunto bou di e lema “Bin yuda nos transforma y embeyece e parke di Mabon”. E iniciativa ta enfoka pa crea un espacio alegre y sostenibel pa e habitantenan di tur edad.
Durante e shift di mainta, Aruba Bank su boluntarionan a duna un man pa haci e tereno di e parke limpi, yuda verf y prepara mesa, stoel y lugar di weganan pa un evento comunitario yen di placer y interaccion. E energia y dedicacion di e team a set e base pa un celebracion feliz.
Aruba Bank ta keda comprometi na sostene projecto cu ta mehora bida y fortalece e laso entre barionan. E projecto aki ta refleha e banco su balornan di sostenibilidad, educacion y empoderashon.
Aruba Bank ta sumamente orguyoso di su team di boluntarionan cu a duna nan tempo y energia pa yuda haci e parke di Mabon un lugar mas bunita.
Aruba Bank kier gradici tur boluntario, organisado y miembronan di comunidad cu a contribui na e exito di “The Roots of Renewal Project”. Hunto nos ta sigui traha riba un Aruba mas briyante y uni.
