Aruba Lions Club y Leo Club Aruba a haci diferente proyecto durante aña pa comunidad di Aruba

Prome cu final di aña di 2022 Aruba Lions Club tabatin un bunita proyecto di e hala hubenil cu ta e Leo Club cu ta consisti di muchanan di 12 pa 17 aña cu ta reuni nan mes y cu nan ta bin cu proyectonan di nan mes .

Na final di 2022 e hobennan tabatin un proyecto pa haci hunto cu special oplimpic Aruba cu a bira un proyecto cu a bira un modelo pa special Olimpic internacional cu ta un exito rotundo unda cu hasta Aruba Lions Club keda invita pa ta den e reunionnan di Special Olimpic internacional pa por gradici Aruba Lions Club y e muchanan di Leo Club riba e proyecto cu nan a ehecuta.

Segun presidente di Aruba Lions Club Aruba Rubin Ponson e proyecto tabata riba salud pa cu e muchanan cu ta den special olimpic . Sinembargo e grupo di hobennan di Leo Club ta creciendo y a instala diferente miembronan y asina ta yuda Leo Club crece den miembresia pa asina nan por ehecuta mas proyecto.
Pa 2023 tin mas proyecto na caminda e prome tabata e parti di conscientisacion pa tene nos isla limpi unda cu a parti saconan di sushi riba rutanan di carnaval pa conscientisa tur hende pa corda tira sushi den saco y tene Aruba limpi.
Tambe Aruba Lions Club tabatin diferente participacion internacional y reunionnan internacional , pero tambe charlanan di conscientisacion manera cu Mary Joan Foundation unda cu a conscientisa riba cancer di pecho. Tambe durante aña a ricibi diferente bishita di autoridadnan internacional caminda tabata ricibi diferente informacionnan con pa sigui cu e club.

E smilemobil a haci diferente proyecto di Aruba Lions Club principalmente na casnan di nos grandi nan y ta haci limpiesa y reparacion di dentadura di e grandinan, esaki ta un bunita proyecto cu Aruba Lions ta conoci pe. Tambe ta yuda esunnan cu tin mester di un cama of rolstoel y na momento cu tin por yuda cu esaki, aunke cu e cantidad ta limita, asina cu nan wordo entrega bek ta sigui yuda otro famia. Tambe Aruba Lions Club a haci diferente charlanan di motivacion pa nos hobennan pa nan sigui den locual cu nan ta haci , pa nan sigui kere den nan idea cu nan tin y sigui padilanti.

E aña aki ta un aña cu Aruba Lions Club tin un interes grandi di crecemento den miembresia, tambe a logra di trece bek e Lionnan di antes mirando cu nan tabata den Aruba Lions International y awo a logra haya nan bek den Aruba Lions Club y esaki sigur a trece un otro tipo di ambiente caminda por a pasa hopi informacion pa esunnan cu ta mas recien den e club , e consehonan ta yuda hopi pa cada proyecto cu ta keda haci y tambe a trece un ambiente cu hopi mas gana pa sigui haci trabaonan boluntario pa pais Aruba. Asina tambe conhuntamente lo sigui traha riba diferente tipo di proyecto den futuro.