Durante aña 2025, e cantidad total di sospechosonan registra pa misdrijf a baha cu 15%, yegando na un total di 1,944 sospechoso (compara cu 2,280 den 2024). Segun OM, e bahada aki por ta debi na menos crimen cometi, intervencionnan directo of un reduccion den capacidad di investigacion. Contrario na esaki, e cantidad di sospechosonan cu mester a presenta dilanti fiscal (voorgeleiding) a subi cu 21%.
E top 10 di delitonan mas cometi na Aruba ta keda domina pa asuntonan di trafico. “Maneha auto sin corefles” (2,055 caso) y “maneha bou di influencia di alcohol” (454 caso) ta encabesa e lista. Un punto hopi preocupante cu OM a resalta ta cu “posesion ilegal di arma di candela” (86 caso) a bolbe drenta den e top 10, specialmente bou di menor di edad y hobennan adulto, locual ta exigi un atencion special y un combate integral. Riba tereno di droga, unit di Narcotica di KPA a intercepta y destrui mas di 74 kilo di cocaina y 541 kilo di marihuana.