Esaki ta bisto y ta indica cu Marisol Tromp na momento cu supuestamente lo a constata situacionnan iregular despues cu e la tuma e cartera di Ex minister Otmar Oduber e no a haci keho paso no tabatin nada iregular tabata pasando y nunca e no a haci un keho na momento cu e tabata minister, pero ta bisto, door di su rabia paso a keda baha como minister den parlamento di Aruba diripiente a fomenta cu tin iregularidad y cu lo tin supuesto spooksambtenaar y a bay haci un keho contra Otmar Oduber despues cu a keda baha como minister. Esaki ta hopi bisto con falso ex minister Marisol Tromp ta unda cu a hinca tur hende den problema y hasta a gaña pueblo y a haci full un escenario campaña di spirito.
Marisol Tromp a bay haci un supuesto denuncia despues cu e la keda baha como mandatario , e la bay un biaha na LR , despues e la entrega algun papel y despues via di telefon e la duna su declaracion y na final loke nan a pone hunto Marisol Tromp a firma como declaracion.
Segun abogado Vito Carlo na momento cu bo ta lesa ta mira cla cu LR ta bisa bo ta obliga di haci un denuncia y aki ta caminda cu LR ta pone presion riba Marisol Tromp pa haci denuncia. E denuncia cu a keda duna ta trata aki di 24 punto y despues algo di serlimar. Awe por bisa cu tur 23 punto a keda bari for di mesa y solamente uno cu ta e spookambtenaar tin y di aki tampoco no a sali nada. Segun abogado Vito Carlo e resto di puntonan cu Marisol a denuncia no ta alcaso y a keda bari for di mesa.
Pa e motibonan aki abogado Vito Carlo a trece padilanti cu LR a haci mal uzo na e momento ey cu tabata un momento politico pa trata di condena Otmar Oduber, LR a haci mal uzo di yama Marisol Tromp y exigi e ex mandatario bin declara unda cu a pone presion riba Marisol Tromp cu e mester haci denuncia contra di Otmar Oduber , y ex minister Marisol Tromp den su rabia na e momento ey cu a caba di keda baha como minister no confiabel door di parlamento e ex politico Marisol Tromp a mira e oportunidad pa saca su rabia y a cuminsa fomenta storianan y a haci un denuncia.