Un gran clamor pa Aruba, Caribe Hulandes, Hulanda y mundo henter
Presenta; Pa Fundacion e Fortaleza y sosten pa famia
Cuminsando Diahuebes Santo 17-4-2025 pa 3pm te cu Diabierna Santo 18-4-2025 pa 3pm, lo bay tin un marathon di Oracion den studionan di HIT94FM Situa den Caya Ernesto Petronia, Mihor conoci e Radio emisora di Johny habibe q.e.p.d den nos felis memoria.
E anja aki nos ta celebra 25 Anja cu nos ta organisa e marathon na mes un lugar, dunando gloria na Dios.
E marathon aki lo tin Participacion di Aruba, Curacao, Hulanda y oto parti nan di mundo.Y ta priminti di bira algo grandi, poderoso,pa uni nos pueblo di oracion.
For di awor aki nos kier haci un yamada riba e pueblo di Aruba, Curacao y Hulanda, pa cuminsa manda nan peticion di oracion na nos email: fortalezapafamia@gmail.com y tambe riba whatsup 7403237 of 6619150.
Nos tin un meta pa recauda fondo pa construccion di un Rehab Center pa Damas y desde awor, durante, y despues di e Marathon of Prayerthon henter pueblo ta invita pa haci nan donacion di nan curason na FUNDACION E FORTALEZA Y SOSTEN PA FAMIA, Bank acct na CMB 65779308.
Manera tur anja nos ta conta cu sosten di Iglesianan,pastornan,y tambe tur intercessor, pa asina nos por cumpli cu tur peticion, pasobra nos ta altura di e plata forma grandi di oyentenan, ya cu nos lo ta riba radio, internet, facebook y tambe riba e plataforma di 24ora.com.
Tur caminda e marathon por wordo scucha y hasta den KIA, pa asina tur preso por scucha y ricibi oracion, hospital manera semper ta den sintonia,y nos ta cla pa ricibi tur peticion di oracion tanto local como internacional.
Tur hogar riba nos isla mester di oracion, nos tur sa e situacion social di nos isla, y tambe nos sa di e situacion social di e otro islanan, y hunto nos ta drenta den presencia di Dios.
Si bo ta campa, nos lo ta hunto cu bo, si bo ta na cas nos ta hunto cu bo, si bo ta riba laman ta pisca, unda cu bo ta nos ta hunto cu bo, pasobra a yega e tempo, pa nos uni manera salmo 133:1 ta bisa den oracion como ruman, pasobra nos tur ta sirbidor di Cristo kende ta e Salbador di nos tur. Y nos tey pa sirbi.
No lubida un pueblo den oracion,ta un pueblo den bendicion.
Fundacion E fortaleza y Sosten pa Famia
