‘Treciendo futbol bek na e pueblo’, ta e slogan di Kurt Thomas su campaña pa presidencia di AVB. “E pueblo ta anhela di bay stadion bek, di por experiencia y wak futbol den un luz positivo y di wak su seleccion nacional hunga weganan internacional bek na su dushi cas Aruba.”, ta palabranan di sr. Thomas expresando e anhelo di e atletanan y fanaticada di futboly otro interesadonan.
Despues cu Kurt Thomas a postula su mes pa President di AVB den 2021 y a haya e aprobacion diaranzon dia 14 di juli 2021 di directiva di AVB cu su postulacion ta valido den e proximo eleccion di Arubaaanse Voetbalbond, sr. Thomas ta splica e motivacion y metanan principal cu e lo splica tambe den e reunion general di clubnan miembro di Arubaanse Voetbal Bond cu lo tuma luga 21 juli venidero.
E directive ehecutivo, incluso e presidente, di AVB ta wordo scogi como autoridad maximo pa representa futbol en general na Aruba. E directiva di AVB sumision general (mester) ta pa yuda organisa y desaroya futbol en general na Aruba. AVB mester Sali na vanguardia y yuda duna sosten y conocemento na un y tur cu ta asocia cu e deporte di futbol na Aruba, en especial su Club Miembronan. AVB ta hunga un rol importante door di duna e sosten necesario haciendo uzo di su contactonan internacional y local. E sosten mester inclui conocemento, material di practica necesario y guia na tur Club Miembro y stakeholders di Aruba.
Den e documento cu ta compaña e articulo aki por lesa mas di e pensamento di Kurt Thomas.
Kurt Thomas Postulacion como President di AVB publicacion prensa number 2 (1)