E siman aki Minister Maduro di Finansa y Cultura a ricibi un bunita reconocemento di Cuerpo Consular di Aruba, pa e bon relacion y atencion brinda pa e mandatario na e Cuerpo Consular. E representantenan ta masha gradici pa e asistencia brinda ora di organisa dianan di conmemoracion y tambe intercambionan cultural cu ta fomenta cooperacion y paz entre cuidadanonan di nos Pais.
“Nos a haci nos trabou fo’i nos curason y e ta bunita pa mira cu esaki a toca e curason di hopi hende na Aruba. Masha danki Cuerpo Consular di Aruba pa e bunita reconocemento aki,” tabata e palabranan cu Minister Maduro a uza pa gradici e Cuerpo Consular pa e bunita gesto aki cu lo keda un bunita recuerdo pa semper.
