PoliticaFeatured

Minister President Evelyn Wever-Croes: Gobierno ta haciendo maximo esfuerso pa stop e recorte di salario na Juli proximo

Minpres..0101

Laga e recorte riba politico, pero no riba empleadonan

diahuebs 19 di mei, Minister President Evelyn Wever-Croes a reacciona riba e anuncio di sindicatonan pa tene accion otro siman.

“Mi kier sigura boso cu nos Gobierno ta haciendo nos maximo esfuerso pa stop e recorte den di dos mita di e aña aki, manera nos a bisa semper. Nos meta ta pa entrante juli stop e recorte mensual di 5%, y pa otro aña, aña 2023, stop e recorte di 12.6% completamente.

Esey kiermen cu entrante juli e aña aki, e empleado publico por bay haya su salario completo bek, y entrante otro aña e por haya su vakantie uitkering tambe.

Y sin cu mester troca esaki pa dianan liber. Nos meta ta pa paga e 5% aki cash den man di e empleado publico.

Nos a inclui e sumanan aki caba den nos presupuesto di 2022 y 2023, y nos ta den negosacion cu Hulanda riba esaki. Ta conbersacionnan dificil, pero mester bisa cu tin apertura di parti di Hulanda.

Si nos logra yega na un acuerdo, y Conseho di Minister di Reino aproba esaki, na juli 2022 caba nos por cuminsa paga tur empleado publico y semi-publico 100% di nan salario.

Nos ta consciente di e dolor cu e recorte aki ta causando, especialmente debi na e aumento drastico di prijs debi na e guera na Ukraina. P’esey, si nos como politiconan mester sigui corta e 25%, lag’e ta asina, basta cu nos por paga empleadonan salario completo.

Otro siman cu Secretario di Estado Alexandra van Huffelen ta na Aruba, nos lo sigui delibera riba e topico aki, y ohala nos por sali afor lihe. Mi ta compronde cu sindicatonan ta preocupa y kier manifesta nan malcontento, y p’esey mi kier sigura sindicatonan cu nos ta haciendo tur lo posibel pa logra elimina e recorte entrante juli di e aña aki”, tabata declaracion di Minister President Evelyn Wever-Croes, como reaccion riba e accionnan cu sindicatonan a anuncia pa otro siman.

Related posts

Director di Wit Gele Kruis Gino Goeloe: Firmamento di convenio algo historico pa Wit Gele Kruis

EA News Author

MPB ta propone pa destrui ordenansa ilegal

EA News Author

Aruba Timeshare Association ta conclui 2022 cu gran satisfaccion

EA News Author

Leave a Comment

Whatsapp Message