PoliticaFeatured

Minister Ursell Arends: Charla Informativo riba topico di Demencia cu informacion amplio

Charla Informativo Riba Topico Di Demencia Cu Informacion Amplio...

Riba diahuebs a tuma luga un charla informativo riba e topico di Demencia, presenta pa orador Sra. Anne Mei The, kende ta un “bijzonder hoogleraar Langdurige Zorg en Sociale Benadering Dementie” na – Vrije Universiteit Amsterdam.

 Durante e charla informativo ariba e topico a comparti su conocemento valioso y ofrece un comprendemento mas profundo di e condicion aki cu tanto adulto mayor ta enfrenta durante nan bida.

 Demencia ta un condicion progresivo cu ta afecta miyones di persona rond mundo, incluyendo nan famia y cuidadornan, tambe yama mantelzorgers. E condicion ta wordo caracteristica door di disminuicion di e funcion cognitivo, cual ta inclui perdida di memoria, abilidad di lenguahe y e capacidad pa resolve problemanan. 

 Ta esencial pa esnan den cuido y famianan educa nan mes tocante e enfermedad y su sintomanan y busca sosten y recursonan pa yuda nan maneha e cuido di nan ser keri. Esaki por inclui busca grupo di sosten, servicionan di cuido temporal, y otro recursonan cu por brinda guia y asistencia pa cuida un persona cu tin demencia.

 Ademas di brinda cuido fisico y sosten, esnan den cuido y famianan por hunga un rol importante den mantene e calidad di bida di nan ser keri por medio di actividadnan y interaccionnan social cu nan ta gusta. Esaki por inclui hunga wega, scucha musica, of simplemente pasa tempo hunto.

 Ta importante pa tin pasenshi y compasion den cuido di personanan cu demencia, pa yuda crea un ambiente sigur y di sosten cu por mehora e calidad di bida di ambos, e cuidador y/of famia, y tambe di e persona cu nan ta cuida. Ta importante pa recorda cu esnan cu tin demencia ainda ta individuonan cu personalidad, interes, y preferencia unico. Mantene e conexionnan y brinda sosten ta esencial pa nan bienestar!

Charla Informativo Riba Topico Di Demencia Cu Informacion Amplio..3Charla Informativo Riba Topico Di Demencia Cu Informacion Amplio

Related posts

Abraham Maslow a crea un piramide di prome necesidad di un ser humano tin mester did je pa tin un bida den balans

EA News Author

Minister Xiomara Maduro a keda yama den parlamento mirando cu oposicion a pone un mocion di desconfiansa pa e mandatario

EA News Author

Minister Glenbert Croes, Sindicato, WEB, ELMAR y Utilities a sinta na mesa cu otro

EA News Author

1 comment

Leave a Comment

Whatsapp Message