Politica

Parlamentario Endy Croes: Michael Lampe the walking Dead! “Kier claridad riba FUTURA mientras e verslag ta den su postbus na trabou desde 20 di december. Berguensa!”


ORANJESTAD,Aruba

Parlamentario Endy Croes ta contesta Michael Lampe despues cu siman pasa Michael Lampe “The Walking Dead” a lansa un seri di pregunta den direccion di nos Promer Minister riba e tema FUTURA. 

Segun Michael  Lampe no tin claridad locual FUTURA ta haciendo. Tristo ta cu FUTURA a tene un actividad siman pasa diahuebs unda a invita henter Parlamento mientras a repasa hopi amplio nan 40 diferente proyectonan cu nan a realisa den 2019 y alabes a presenta nan agenda 2020 cu “5 Strategic Priorities”. Lamentablemente Michael Lampe no ta bin trabou y tampoco ta asisti na lezing unda ta duna tur informacion. Pero Michael Lampe ta scoge pa bay hunga politica barata esta e politica di Mike pa lansa calumnia contra Minister Presidente di pais Aruba. 

Parlamentario Endy Croes ta splica cu desde 3 di januari fraccion di MEP ta na pia di trabou pero ta apenas diabierna 24 di januari Michael Lampe a presenta na trabou como su promer dia. Tin miembronan di AVP manera Benny Sevinger, Mike de Meza y Arthur Dowerrs desde aña pasa no a mira nan mas banda di Parlamento. Net nan ta esnan cu ta cobra. SINBERGUENSA. 

Parlamentario Endy Croes ta sigui splica cu 20 di december a trata presupuesto supletorio y e mesun dia aki Evelyn Wever Croes a entrega oficialmente na Parlamento e Jaarverslag 2019 y den e jaarverslag aki tambe a splica di FUTURA. Durante e evento di 23 di januari cu Michael Lampe no a bay hasta un jaarrekening bo por a mira online riba diferente ipads cu tabatin disponibel pa invitadonan cu tabata interesa den esaki cumpliendo asina alabes pa haci menos uso di papel. Pues na Michael Lampe, locual bo mester haci yega trabou, habri bo postbus y lesa bo documentonan pa bo orienta bo mes cu e trabou di un politico. Tin hende kier pretende di ta un politico pero e sapato den e caso aki ta mucho grandi pa e mucha manda esta Micheal Lampe. 

Parlamentario Endy Croes ta termina bisando cu no lo perde mucho tempo cu Michael Lampe pero mester a splik’e publicamente un rato unda pa busca tur informacion.   

Related posts

Minister Xiomara Maduro ta informa: E agenda di ehecucion di e ‘landspakket’ pa reforma financiero y economico pa e promer kwartaal di 2021 ta conoci

EA News Author

Pa duna sosten na e campaña global #Wethe15 Gobierno ta ilumina bestuurskantoor cu luz biña

EA News Author

Drs. Mervin Wyatt-Ras: Gobierno mester carga su responsabilidad pa cu e “uitvoeringsagenda” di landspakketten

EA News Author

Leave a Comment