Parlamentario Fergino Brownbill ta miembro di comision di enseñansa y ta mira cu Corsou tin su desafionan na momento cu ta mira grupo di hobennan cu ta sali di Corsou cu e intencion pa bay studia pero como Pais Curaçao ta keda na espera pa ricibi e hobennan bek na momento cu nan bira profesional pa asina nan aporta bek na Pais Corsou.
Sinembargo ta remarcabel cu e echo ta cu mayoria di e studiantenan ta scoge pa keda den exterior. Como politico e tarea ta pa haya sa kico ta haci e studiantenan ta keda den exterior. Fraccion di MFK den parlamento ta mira cu un di e problemanan mas grandi ta na momento cu nan caba cu nan estudio no tin nada pa ofrece nan pa nan bin bek Pais Corsou. E situacion aki ta pone cu den e bista di un bril politico accionnan mester tuma luga.
Sinembargo e iniciativa di parlamento di Corsou ta pa entrega un iniciativa di ley cu yama “ Ley di Bion den un bachi nobo “ e meta di e ley di Bion ta un stimulacion fiscal pa stimula e doñonan di trabao pa duna un hoben jong profesional oportunidad pa por haya un funcion den un compania na Corsou.
E stimulacion ta na e doño di trabao mirando cu e no tin cu bay paga impuesto riba e salario di e Jong Profesional cu ta bin di afo y e ta bira un sorto di subsidio debi cu na final gobierno lo mester carga e peso aki.
Na e momentonan aki parlamento ta atendiendo cu e ley Brion pa asina e iniciativa di ley por pasa den parlamento di Corsou. Parlamentario Fergino Brownbill ta duna di conoce cu ya caba a ricibi socioeconomico y si mester para keto na consehonan cu a drenta di parti di SER den esaki, SER ta para keto na e echo cu con e ley aki lo funciona y of aporta si gobierno no tin e doñonan di trabao hunto cu nan pa por carga e ley den su totalidad.
Mirando e ponencia di SER actualmente parlamento di Corsou ta reuniendo cu Camara di comercio Corsou, VBC cu ta un sector priva pa conhunto yega na un consenso pa e iniciativa di ley Brion por bira un realidad y por duna tambe e fruto pa e studiantenan cu ta bay studia den exterior pa nan bolbe Corsou pa asina yuda e Pais bay padilanti.
Sinembargo si mester mira bon e studiantenan den region ta scoge pa bay studia den exterior debi cu no tin e posibilidad nan di estudio den Region di Caribe mes riba e tres islanan di Aruba, Boneiro, Corsou y St Maarten. Actualmente e pensamento tey pa trece e estudio cas unda cu universidadnan di cada Pais lo tin mas tarea pa por trece hopi mas estudio den Region y e yiunan di tera por studia den region mes y cerca di cas cu no lo bay costanan manera cu lo costa nan pa bay studia den paisnan friu.
Parlamentario Fergino Brownbill ta kere cu e espacio tey pa por pone mas estudio den region y Corsou ta habri pa esaki. Despues cu a sali for di e reunionnan di contacto na februari for di Aruba, durante di e presentacionnan di minister nan di Aruba por a tuma nota di diferente plan y cu Aruba su minister nan ta trahando conhuntamente cu minister nan di Corsou, esaki sigur ta un bon señal unda cu den e panorama ehecutivo ta mira un estrecho colaboracion cu otro pa loke ta beneficia tur e pais nan y sigur Parlamentario Fergino Brownbill ta mira e boluntad di traha hunto pa futuro generacionnan cu lo mester hiba Pais Corsou dilanti ta positivo pa ambos Pais.
