Featured Politica

Prome Minister Evelyn Wever-Croes: Mi kier pidi tur ciudadano pa keda trankil y atene ne e reglanan Update diaranson 5:00 pm:


Manera a wordo anuncia mainta cu den e siguiente oranan lo bay mira e parti mas fuerte di e tropical wave. E centro aworaki ta 80 km pazuid di Corsou y ta ser calcula cu pa 10 pm awe e peor lo por a cuminsa pasa caba. Den e siguiente oranan nos por spera awacero y rafaganan di biento. Y ta alerta tambe cu por tin yobida diahuebs mainta.

Ta mantene tur medida cu a anuncia diaranson mainta. Shelter in place ta drenta vigor 6 awe y ta ked ate 6 am mayan mainta. Esaki no lo wordo prolonga. Esaki kiermeen cu desde mayan nos por bay bek na normalidad. Pa loke ta sectror publico ta mantene e dia di mayan cera y scolnan tambe. Mayan lo reevalua si scolnan mester keda cera diabiena tambe pero esaki ta un decision cu lo tuma  wordo mayan. 

Keda pendiente pa e siguiente update awe nochi 10 pm. Esaki lo tuma luga door di meteo a traves di TeleAruba y mayan pa 12 pm lo tin un conferencia di prensa pa duna status di e medidanan cu a wordo introduci.

“Mi kier pidi tur ciudadano pa keda trankil y atene na e reglanan. E ta mustrando di ta menos intenso y severo cu nos a pensa na prome instante pero keto bay nos ta tratando di naturalesa. No ban aventura, laga nos keda paden caminda nos ta safe, ban keda positivo. Manera semper nos a bisa durante Covid; This too shall pass. Dios bendiciona tur ciudadano di nos pais”.

Related posts

Prome Minister ta habri man pa 100 trahado di Corson bin traha den WEB Na Aruba tin cantidad cu por haci mesun trabou aki

EA News Author

FADA a cuminsa cu un seri di documentario pa conscientisa mayor, mucha y hoben riba adiccion legal y ilegal

EA News Author

Oportunidad pa trabou DVG ta enbusca di ‘optrekkers’

EA News Author

Leave a Comment