Kousa Promé kier pa famianan sali kas bin mira i disfrutá ora e koloso di Kousa bai laira. Subimentu di fli ta un aktividat ku normalmente ta tuma lugá den kuaresma ora tin hopi bientu.
Banda ku subimentu di fli ta un aktividat ku ta brinda oportunidat di rekreashon pa famia, e ta stimulá unión den famia e ta brinda oportunidat pa tira lus riba e trabou artístiko di esnan ku ta krea e obranan ku ta bai laira.
E aspektonan positivo aki a inspirá Kousa Promé pa hasi uzo di e parti aki di nos kultura den e proseso di konsientisashon pa elekshon 2021.
Pueblo en general ta bon bini. Mayornan bini ku boso yunan, algún stul i tapaboka pa mira Kòrsou bai laira. Un obra artistikamente hinká den otro simbolisando Kòrsou.
Kousa Promé ta warda bo pa huntu nos manda Kòrsou laira i haña splikashon di loke ta tuma lugá. Ban yuda mantené un bunita kustumber di pueblo di Kòrsou. Kousa Promé ta warda bo pasobra por otro.
E aktividat ta djadumingu awor 21 di febrüari 2021 na e lugá di parker pabou di SDK. E aktividat ta kuminsá 10’or di mainta. Bini ku bo stul i bo tapaboka.
