ORANJESTAD, Aruba
Lider di fraccion di MEP Rocco Tjon cu tambe lo ta presente awe durante e segundo tanda den parlamento di Aruba awe a duna di conose cu su persona y su fraccion a keda sorporendi pa locual ta e accusacionan y informacion di corrupcion cu a wordo duna den e prome tanda di reunion di Parlamento unda cu mester a trata un mocion di desconfiansa di Minister di Medio Ambiente y Infrastructura Marisol Lopez-Tromp. Rocco Tjon tambe a informa cu en todo caso su fraccion a pidi pa un reunion apart mas pronto cu ta posibel trata e parti di corrupcion. Awe su persona hunto cu su fraccion ta presente na Parlamento di Aruba pa sigui e sigiente tanda di e reunion unda cu lo trata e mocion tresi dilanti dor di e 2 parlamentarionan di partido POR. Rocco Tjon tambe a duna di conose cu no a ricibi tur documento cu a wordo tresi pa dilanti den e prome reunion. Rocco Tjon tambe a claria cu locual e Minister a bisa den media tampoco no ta cuadra pa motibo cu e unico documentonan cu a wordo poni ter inzage tawata dos contract sin conseho huridico y documentonan cu accionan disiplinario cu a wordo tuma contra empleado. Ningun otro documento a wordo poni ter inzage manera e Minister a declara varios biaha durante reunion den parlamento. Rocco Tjon lo pidi pa tur documento wordo poni ter inzage prome cu e reunion cuminsa pa parlamento di Aruba lo por hasi tur pregunta debidamente.
