Wardakosta huntu ku otro outoridatnan ta hasi kòntròl na bordo di boto di plaser

Wardakosta a base di un notifikashon di búskeda i reskate a hasi un petishon na CITRO pa duna asistensha na un embarkashon ku problema di motor. CITRO a yuda e embarkashon i a tou esaki hiba na bahia di piskadó na Caracasbaai. Na e bahia di piskadó tabata presente Wardakosta huntu ku outoridatnan pa ehersé un kòntròl riba e boto di plaser.

Outoridatnan ta sospecha ku e kapitan di e boto ta usando su boto komo boto di ‘charter’, miéntras ku e no ta inskribí komo tal. Ni tampoko e tin e dokumentonan korekto pa esaki. Den futuro Wardakosta lo bai ehersé e tipo di kòntròlnan aki huntu ku Stichting Belasting Accountsbureau (SBAB), Inspekshon Marítimo (Haven en Veiligheid Inspectie). Sòru pa bo tin bo dokumentonan di embarkashon na òrdu i ku bo boto ta keda usa na e forma korekto.