Es cu a tilda, critica y haci wega politico cu donacion di Qredists tur a bay dia cuerdo cu e decision

Importante ta pa comunidad di Aruba ta na altura y mira e cosnan segun nan a sosode. Mirando cu tin un wega politico cu ta wordo haci unda cu kier tilda Minister di Finansas Xiomara Maduro cu a haci un donacion na Qredits sin cu a bay parlamento, algo cu no ta cuadra cu berdad. Segun Minister Xiomara Maduro ta importante pa comunidad mira e situacion cu durante di pandemia no a perde cabes pero a para y tuma decisionnan importante pa Aruba, den e caso aki haci un donacion pa no laga companianan chikito cera nan portanan pero pa nan tambe keda cu cabes riba awa cu yudansa di qredits.