Prome Minister Silveria Jacobs a haci bishita na Rada nobo riba punta di St. Peters Hill di St Maarten

Prome minister di St Maarten Silveria Jacobs a haci bishita na e radar nobo cu a ser poni na St Maarten. Esaki tabata un tour cu e prome mandatario di e pais a haci pa asina mira con tur cos ta andando cu e set-up di e radar nobo na St. Peters Hill.

Prome Minister Silveria Jacobs ta gradici sr. Isaacs y su hefe di ingeniero pa mustra e mandatario con tur cos ta funciona y na mes momento duna e informacion necesario cu e mandatario mester sa y ta consciente con e radar ta traha pa full St Maarten. E mandatario a keda sumamente satisfecho di e informacionnan y e trabaonan cua keda ehecuta, pero na mes momento ta contento cu e la logra bay personalmente na e top halto y asina por a mira St Maarten di un otro punto di bista y recorda con bendiciona st Maarten ta y con bunita e pais ta den Caribe Hulandes.