Ex Promer Minister di Corsou y miembro di Parlamento Suzy Camelia-Römer di e fraccion MAN-PIN ta preocupa cu e situacion di siguridad di Corsou y su habitantenan. Relaciona cu e eminente invasion cu Merca tin pensa di haci na e pais bisiña Venezuela. Manera ta conoci rednan social y canalnan di noticia a anuncia e despliege di 5 barco mas 1 submarino nuclear den awanan di Caribe, esaki ta trece preocupacion y panico den pueblo cu ta puntra ‘kico awo ?’.
E miembro di Parlamento di Corsou a puntra e prome minister Gilmar ‘Pik’ Pisas si e Parlamento di Corsou y e pueblo lo wordo mantene informa tocante e situacion di siguridad. E argumento di Merca ta cu nan ta manda tres barco militar na Laman Caribe pa ataca e contrabanda di droga, loke a haci cu a surgi tension cu Venezuela, cu te ainda Corsou tin relacion cu ne. Venezuela ta exporta fruta y berdura pa Corsou, tambe tin vuelonan di avion entre e isla hermana y e pais Bolivariano. E gobierno di Corsou a wordo informa pa Defensa e siman aki di e ultimo informacion di fondo. Camelia- Römer awor ta buscando informacion for di e Prome Minister mes, Sr Gilmar Pisas.
E ta puntra ta con e pueblo lo wordo prepara den caso di algun conflicto militar den e region.