Ministerio di Husticia di St Maarten a confirma cu e peticion formal di Minister Nathalie Tackling pa asistencia militar a wordo aproba oficialmente. Cu efecto inmediato, marina staciona na Sint Maarten lo duna apoyo na Korps Polisi Sint Maarten (KPSM) pa mantene orden publico y fortalece siguridad den area clave.
E peticion a wordo inicia riba 7 di november 2025 ultimo como parti di medidanan pa reforsa siguridad, specialmente despues di varios robonan cu arma y preocupacion creciente riba siguridad publico. E marina nan lo opera hunto cu polis den patruya conhunto y control di trafico, cu meta di aumenta presencia di ley, preveni criminalidad y trankilisa residente, negoshantenan y bishitantenan.
Minister Tackling a indica cu e despliegue ta refleha un enfoke firme riba siguridad publico, reafirmando cu proteccion di comunidad ta un prioridad halto.
E apoyo militar lo keda den vigor durante e periodo di Pasco, cu un despliegue diario di ocho (8) marina nan den operacion conhunto cu KPSM. Un evaluacion lo sigui despues pa determina e siguiente pasonan.