Na cierre di e aña parlamentario, fraccion di Movimiento Electoral di Pueblo (MEP) a presenta un mocion di desconfiansa contra Minister Gerlien Croes, cu tabata basa riba falta di claridad riba un regalo cu e minister a haya. Lider di fraccion MEP, Evelyn Wever-Croes, a splica cu, durante un debate anterior, Minister Mike Eman a declara cu Minister Croes no a informa Parlamento riba e regalo. Ademas, Minister Geoffrey Wever a indica cu Croes no a contesta preguntanan esencial riba ken a paga, ki dia a paga y cuanto a paga.
Durante e debatenan, Minister Wendrick Cecilia a confirma cu e avion no a cobra e minister, loke ta interpreta como cu Croes a gana y asina mes a haya apoyo di fraccion di AVP menos Mike de Meza y FUTURO. Aunke e mocion no a pasa, MEP a indica cu e investigacionnan lo continua.
Fraccion di MEP a logra haya e sosten di PPA, y parlamentario Mike de Meza di AVP a abstene di votacion, mustrando interes pa haya evidencia adicional. Wever-Croes a enfatisa cu e investigacion internacional lo sigui, inclui verificacion riba e licencia di e avion pa por haya prueba contundente riba e regalo.
Segun MEP, e situacion ta refleha un reto pa integridad y transparencia den Gobierno y Parlamento, y muestra di necesidad pa mantene regulacion y accountability, Ministernan cu gaña y haya apoyo di parlamentarionan ta bisa hopi di nan mes como politico y kico tur nan por ta capaz di dje ora no ta transparente.
Lider di fraccion MEP Evelyn Wever-Croes a comenta cu cierre di aña parlamentario 2025 ta un momento pa evalua e fortaleza di su fraccion y su experiencia den Parlamento. Wever-Croes a gradici su fraccion pa su dedicacion y ta desea tur ciudadano di Aruba un bon Pasco y feliz aña nobo.