Tension y frustracion bou aumento di sueldo pa solamente oficialnan haltu. Desde cu e gobierno di AVP–FUTURO a tuma poder, parti di e pueblo a nota un falta di transparencia, desigualdad y eror nan politico cu ta cometi. Awe, e consecuencianan di e maneho malo ta evidente, particularmente den e sectornan publico.
Casi tur departamento di ambtenaar ta eksprimí rabia y descontento tocante e reciente aumento di sueldonan, cu, segun miembronan, a wordo implementa solamente pa oficinanan cu ta den escala 13 y mas haltu. E situashon a kousa un sensacion di desigualdad y discriminacion, generando tension y frustracion den e trabou di tur dia.
Kico ta e intencion di e gobierno? Ta pa kibra e clase media?
Segun analisis local, ministronan Geoffrey Wever y Gerlien Croes, durante nan termino, a demostra incapacidad pa maneha e sectornan publico den forma constructivo. Desde nan entrada den politica a demostra solamente incapacidad y destruccion. Entre e controversianan ta: maneho di HOFA, maneho di negoshinan den agricultura y piscamento,cifranan di ultimo kwartaal di aña pasa ainda no ta entrega, gasta placa cu BAN CAYA siendo polisnan y fundacionnan cu ta atende cu salud mental mester di placa pa yuda comunidad,asina por keda menciona mas, decisionnan di gobierno di AVP-FUTURO ta di placer y no pa e pueblo cu mester e real yudansa e maneho AVP-FUTURO no a duna beneficio positivo pa pueblo di Aruba. E estilo politico a causa tension y demotivacion den comunidad, particularmente pa e hobennan cu ta nifica e futuro di e pais.
Pero sin laga atras cu partido AVP ta sostene esaki enbes di bisti nan carson y laga di compronde cu tres asiento ta menos cu e asientonan cu AVP a ricibi, pero lamentablemente ta DOET MEE
E desbalanse den sueldonan den escala 13 y mas halto a causa alarma den tur nivel di departamentonan publico, resaltando necesidad di transparencia, trato igual y reconocimento pa tur oficinanan.
Sindicatonan a ricibi carta caba di nan miembronan, cu ta exigi claridad y accion concreto. Pregunta cu hopi kier clarificacion: ¿Sindicatonan lo sigui defende tur miembro of nan lo keda tras di gobierno?
E situashon ta refleha un problema profundo cu causa frustrahon, demotivacion y tension sosial den sektor publico, y ta pone na luz e necesidad pa un accion inclusivo y husto.