Despues di varios luna di silencio y exclusion, e debate rond di e Rijkswet Aruba Financieel Toezicht (HOFA) ta bolbe drenta den un fase di consternacion politico. Recientemente, Presidente di Parlamento, Marlon Sneek, a kibra su silencio pa duna declaracionnan cu pa hopi observador ta parse un intento pa “lanta for di sonjo” despues di a permiti pa lunanan largo cu e institucion cu e ta boga pa representa wordo poni un banda.
Durante varios ocacion e mesun criticanan a wordo lansa indicando cu e proceso di HOFA a silencia Parlamento di Aruba de facto. “”NO TIN CONSENSUS “Manera a wordo señala anteriormente, politiconan manera Minister Geoffrey Wever, Gerlien Croes y Mike Eman a wordo acusa di a traiciona e pais, pasando tras di lomba di pueblo di Aruba pa busca un consensus na Hulanda sin tin consensus di Parlamento di Aruba.
Sinembargo, e ultimo declaracionnan di Sneek no solamente ta hala atencion pa su esfuerso pa biba cu e realidad actual, sino pasobra, como politico, e ta frameworks su discurso usando e gremionan comercial como un scudo, indicando cu nan ta di acuerdo cu e ley, sin importa cu esaki por nifica cu Aruba ta perde su propio derechonan soberano pa tuma desicion. Mas grave ainda: un analisis profundo di su mesun palabranan ta mustra bon cla cu e Presidente di Parlamento no ta compronde structuralmente e materia structural di HOFA.
E Contradicion den su mesun Transcripcion
Den un intento pa duna un les di derecho constitucional, Sneek a purba splica e proceso dividiendo e ley den dos via:
“E Rijkswet no ta wordo vota na Aruba… ta den Tweede Kamer caminda e debate formal ta wordo tuma… Loke Aruba ta haya pa atende cun’e ta e Landsverordening.”
Sneek ta uza e termino legal di un “Rijkswet hibrido” pa hustifica cu Hulanda ta vota un parti y Aruba un otro parti. Pero locual e Presidente di Parlamento ta lubida inherentemente, of pa falta di conocemento of pa combiniencia politico, ta e peso real di un consensus nacional.
Ora un Rijkswet di consensus drenta na vigor, e superioridad juridico di e Reino ta mara e mannan di Parlamento di Aruba. Pa baha e materia na un nivel comprendibel: maske cu Aruba mester vota riba un Landsverordening, nos Parlamento NO tin e libertad real pa desvia di locual ya kaba a wordo acorda den e Rijkswet na Hulanda sin enfrenta un conflicto structural di Reino. Pa bende e idea cu “nos ainda tin control” simplemente pasobra Parlamento tin cu vota un landsverordening local, ta un reduccionismo peligroso di e materia.
Scondiendo tras di Gremio y “Pasonan Formal”
Un otro punto cu a lanta hopi ceja den comunidad ta con facil Sneek ta papia na nomber di e gremionan, confirmando cu e sector comercial “sí ta di acuerdo cu e ley.” E declaracion aki ta expone e division analitico: mientras e sindicatonan ta bringa pa e derecho di auto-determinacion y e proteccion di e trahado contra dictado externo, e liderazgo di Parlamento ta parse mas conforme cu e decisionnan wordo tuma for di Haag, basta e gremionan comercial ta contento, Sneek ta lubida cu su mes un stoel cu e ta sinta riba dje awe ta na risico.
Na final di su declaracion, Sneek ta pidi pa sigui e consehonan di Raad van Advies na Aruba y Raad State na Hulanda. Mientrastanto, e tempo ta sigui core. E impresion cu ta keda atras ta cu, enbes di un lider defensivo di e prome organo di Estado nacional, Aruba tin un Presidente di Parlamento cu recien a lanta for di santana pa asumi e realidad, pero cu keto bay no ta den capacidad of no tin e boluntad di scucha e peliger real cu HOFA ta representa pa e autonomia di nos pais.
Sinembargo tin varios pregunta abase di e declaracion cu Presidente di parlamento a duna ultimo, unda cu si realmente Presidente di parlamento Marlon Sneek ta consiente di HOFA y su tarea como presidente di parlamento.
Pregunta
Riba e “Derecho di Voto” y Autonomia di Parlamento
Pregunta 1: “Presidente, bo ta splica cu Parlamento di Aruba lo vota riba e Landsverordening y Tweede Kamer riba e Rijkswet. Pero structuralmente papia, si Parlamento di Aruba vota contra of pidi pa cambia articulonan esencial di e Landsverordening, e Rijkswet structural na Hulanda no ta wordo afecta? Nos tin e libertad real pa cambia e condicionnan, of nos Parlamento a bira simplemente un ‘stempelmachine’ (un stempel) pa legalisa locual a wordo dicidi na Hulanda?”
Pregunta 2: Si e Rijkswet ta legalmente superior na nos Landsverordening, con bo por sigura pueblo cu Aruba no ta perdiento su derecho di tuma decision, ora cu legalmente e Landsverordening mester wordo inhustificadamente mara na locual Tweede Kamer a aproba caba?”
Riba e Defenisá di Gremionan vs. Pueblo
Pregunta 3: Bo a menciona den bo declaracion cu e gremionan comercial ‘sí ta di acuerdo cu e ley’, miertras cu e sindicatonan no ta di acuerdo. Como Presidente di Parlamentocu seponedly ta representa henter pueblo y no un solo sector dicon e opinion di e sector comercial tin mas peso pa bo cu e preocupacion di e sindicatonan riba e perdida di auto-determinacion?
Pregunta 4: “Bo ta kere cu e bienestar economico di e gremionan comercial mester wordo poni riba e derecho constitucional di Aruba pa goberna su mesun finanzas?”
Riba e acusacion di “Silencio y Traicion Politico”
Pregunta 5: “Politico for di varios sector ta acusa ministernan y parlamentarionan di a traiciona Aruba dor di pasa tras di lomba di pueblo pa busca un consensus cu Hulanda riba e materia di HOFA. Dicon Parlamento a tarda asina largo”varios luna”pa lanta e debate publico aki structuralmente, debi cu e peliger pa nos status aparte ta bini for di hopi prome?”
Pregunta 6: “Si bo ta consiente cu e debate formal y constitucional mester wordo proteha, dicon bo no a convoca reunionnan structural of asambleanan mas prome pa debati HOFA structuralmente, en bes di spera te ora e ley ta practicamente clauses caba den Tweede Kamer?, esaki ta un practica pa traha pa pueblo of un tracion na pueblo?
Pa saca e fayo den su definicion di “Ley Hibrido”
Pregunta 7: Ta uza e termino ‘Rijkswet hibrido’. Expertonan den derecho constitucional ta boga cu e ‘hibrides’ aki ta djis un manera bunita pa bende e perdida di autonomia. Si e meta final di e ley ta pa un organo supervisor (manera CAft of e version nobo structural) dictamina riba nos presupuesto, unda e parti ‘hibrido’ ta beneficia Aruba, y unda e ta beneficia structuralmente Hulanda?
Kendenan realmente ta beneficia riba e ponencia di Rijkswet HOFA ?