Aruba TurismoFeatured

Aruba tourism authority ta delineando strategia pa 2023 cu reunionnnan cu agencianan y ekipo na norte america

Reunionnan Norte America..1

Como e entidad di mercadeo y maneho di destino pa Aruba, Aruba Tourism Authority (A.T.A.) continuamente ta den contacto cu socionan local y internacional cu e meta pa semper ta un stap dilanti den mundo di turismo y ta prepara pa atende e retonan y capitalisa riba oportunidadnan den e industria. 

Como tal, e siman aki a realisa diferente encuentro pa asina sigui delinea e strategia pa 2023. Ehecutivonan local y internacional como tambe agencianan cu ta traha cu A.T.A. den e mercado di Norte America a papia riba diferente tema incluyendo aspectonan pa restante di 2022 como tambe pa 2023. 

A reuni cu Aruba su agencia di mercadeo creativo, Big Village como tambe e compania di relacionnan publico Zeno. Conhuntamente a pasa riba diferente campaña y iniciativa cu a tuma luga den 2022 y a bai mas den detaye pa cu cambionan y strategia  pa 2023 den diferente area di mercadeo.

E mercado di Norte America, particularmente di Merca ta sigui cu un recuperacion positivo y lo sigui traha pa sigui crece e mercado aki mientras ta diversifica den diferente area di e mesun mercado aki.

Resultado preliminar pa cu bishitante for di Norte America pa 2022 ta stipula awor na un crecemento di 3% compara cu 2019. Pa 2023 ta stipula un crecemento preliminar di 6% compara cu 2019. Mientras e recuperacion di bishitante ta un elemento cu ta inclui den e strategia di A.T.A., di igual of mas importancia ta e entrada pa pais Aruba, pa medio di patronchi di gasto atractivo for di e mercado aki.  

Reunionnan Norte America..2

Related posts

Investigacion preliminar ta mustra Un storing durante testmento di sistema electrico di recip iv por a causa blackout

EA News Author

Minister Endy Croes a reuni cu Educampus

EA News Author

E di tres diabierna di september ta yegando: Prinsjesdag

EA News Author

Leave a Comment

Whatsapp Message