E Ministerio di VSA a cuminsa un estudio nobo hunto cu e organisacion Hulandes Nibud, pa asina compronde miho cuanto realmente e ta costa pa famianan y individionan biba na Sint Maarten. E meta ta pa haya un bista mas cla riba con dificil e ta para pa hopi famia pa biba luna aden, luna afo, y kico hende tin mester berdaderamente pa biba y participa normalmente den sociedad.
E estudio lo wak e gastonan di tur dia cu hende ta enfrenta, manera: huur y vivienda, recibo di coriente y awa, cuminda y grocery, cuido di salud, cuido di mucha, transporte, gastonan di scol, seguro y otro necesidadnan basico.
Nibud ta un organisacion Hulandes cu ta specialisa den finansa domestico y presupuesto. Nan a haci estudionan similar caba na Aruba, Boneiro, Statia y Saba.
Lo duna atencion special na gruponan vulnerabel y na hende cu ta pasando den dificultad financiero. Segun e Ministerio, e estudio lo yuda gobierno tuma miho decision den futuro basa riba echo y situacionnan real di bida na Sint Maarten.
E proyecto aki ta cuadra tambe cu e Programa di Gobernacion 2024-2028 y ta keda un di e prioridadnan di Minister Brug den su esfuersonan mas amplio pa combati pobresa y mehora proteccion social na Sint Maarten. E iniciativa aki ta cuadra tambe cu e peticion di aña 2025 di e Minister cu actualmente ta dilanti Conseho Social Economico (SER) pa brinda un conseho actualisa riba e linea di pobresa na Sint Maarten, basa riba e informe mas reciente di STAT di e Ministerio di TEATT. E meta ta pa garantisa cu maneho y sistemanan di apoyo den futuro ta basa riba informacion actualisa y e realidadnan financiero real cu hende ta enfrenta awe.
E Ministerio ta encurasha publico y organisacionnan pa coopera ora cu e epo di investigacion tuma contacto cu nan, pa asina e estudio por refleha berdaderamente e realidadnan cu hende ta enfrenta tur dia na Sint Maarten.
Nibud lo brinda training tambe na organisacionnan local y departamentonan di gobierno durante nan bishita na Sint Maarten na juni. E training lo yuda profesionalnan pa apoya famianan y gruponan vulnerabel miho cu guia di presupuesto y finansa.