E forma con Minister di Finanzas y Cultura, Geoffrey Wever, ta hiba e campaña di informacion rond di e Rijkswet HOFA ta sigui genera fuertemente cuestionamento den comunidad y den circulo politico. Criticonan ta acusa e mandatario di ta bishitando diferente grupo local su so, purbando di convence publico cu e ley lo trece beneficio pa Aruba, locual contradictores ta califica como un intento di “parti sucu y lolipop” sin un base tecnico structural.
E punto di critica principal ta cu e mandatario structuralmente ta bishita e instancianan aki sin e compania di expertonan huridico of financiero cu realmente a studia e texto di e ley profundamente. Segun e vocenan di protesta, e falta di un panel tecnico neutral ta lanta duda riba e transparencia di e presentacionnan.
Cuestionamento riba e falta di expertonan
Den un debate asina constitucionalmente pisa manera un Ley di Reino (Rijkswet), e presencia di fiscalistanan, economistanan y specialistanan den derecho estatal ta wordo considera crucial pa duna un splicacion balansa.
Oposito nan di e minister su rumbo ta señala cu e reunionnan informativo aki tin un caracter unilateral:
- Falta di debate balansa: Ta bende e ley como un ‘solucion’ sin presenta e risiconan of e pardan di autonomia cu otro instancianan a adverti caba.
- Estrateha di persuasion: Ta uza e palabra “beneficio” di manera generalisá, locual contradictornan ta describi como un intento politico pa asuanta e preocupacionnan serio cu tin bou di e pueblo y specialistanan.
Contexto: Kico e discusion di HOFA ta encera?
E Rijkswet HOFA ta e framework legal cu Hulanda ta exigi pa e supervision financiero di Aruba structuralmente drenta den un Ley di Reino. Mientras cu Gobierno ta boga cu esaki ta duna un señal di stabilidad na e mercadonan internacional y ta baha e interesnan di e debenan, opositorenan y algun experto constitucional ta bati alarma. Nan ta argumenta cu e ley aki structuralmente ta entrega parti di e autonomia di Parlamento di Aruba na un organo di supervision (manera e CAft) cu tin mas lasonan cu Den Haag cu cu e institucionnan democratico local.
E tension ta keda halto miéntras cu e pueblo y e gruponan local ta sigui exigi bofetada di realidad y data concreto, en bes di un campaña puramente politico y propagandistico di un solo banda.
Te dia di awe e gobienro di AVP-FUTURO no a haci un conferencia official pa informa pueblo di Aruba loke realmente ta e ley Rijkswet HOFA , Pero Minister di finansas Geoffrey Wever su so cu su so ta bay conta un solo medaya di loke su persona personalmente ta kere ta bon sin tene cuenta di e consehonan huridico constitucional cu ya caba a duna varios rapport cu e Ley di HOFA ta kita e autonomia di Aruba y no ta bon pa Aruba.