Den un reunion informativo recien, Parlamentario Edgar Vrolijk a pone enfasis riba e recurrente problematica di ATV y UTV na Aruba, señalando cu e falta di comunicacion entre e participantenan ta e mayor obstaculo pa yega na un solucion. Segun Vrolijk, e situacion actual ta demostra bon cla cu e manera cu e asunto aki ta ser trata no ta eficaz, y cu sin un dialogo habri y sincero, e problemanan lo sigui persisti.
E parlamentario ta sostene cu e unico caminda pa resolve e discrepancianan y e preocupacionnan rondo di e uzo di e vehiculonan aki ta mediante combersacionnan constructivo entre tur partido involucra. Vrolijk ta urgi pa tur hende sinta na mesa pa por yega na acuerdonan cu por garantisa tanto e siguridad di e ciudadanonan como e proteccion di e naturalesa di nos isla, evitando asina cu e situacion continua ta causa perhuicio na nos comunidad.