Den e programa di gobernacion di e coalicion di AVP-Futuro, transparencia ta wordo papia di dje, pero den practica e realidad ta cu no tin ningun transparencia, segun Parlamentario Edgar Vrolijk.
Un ehempel cla ta e caso di LAR (Landsontvanger / leynan di administracion), unda Minister Gerlien Croes te dia di awe no ta transparente cu parlamento y e pueblo di Aruba riba e biahe den jet priva.
E derecho di sa y e peticion di documento Parlamentario Edgar Vrolijk ta duna di conoce cu e Parlamento ta representa pueblo y sigur tin e derecho di sa. Esaki ta inclui e derecho ora ta haci pregunta pa ser contesta y ora ta pidi documento pa haña esaki.
Tocante e caso di LAR den e asunto di e avion priva, e cronologia ta indica lo siguiente:
• 19 di juli 2026: Minister Gerlien Croes a ricibi e conseho di LAR tocante e avion priva.
• 19 di augustus 2026: A cumpli exactamentu 40 dia desde cu e peticion formal a wordo haci pa ricibi e reaccion y e contesta cu mester a bay pa Minister Gerlien Croes. Te cu awe, ningun reaccion a drenta.
Sin prueba documentario ni contesta Mientrastanto, e parlamentario ta señala cu Minister Gerlien Croes ta activo riba Facebook, papiando riba HOFA, poniendo exigencia
Sinembargo, pa loke ta trata transparencia riba e caso di LAR, no tin absolutamente nada. E unico documento cu por proba si cos ta bay conforme regla y na orden esta e conseho di LAR y e prueba cu e la haci e biahe, pagamento of no ta e documento cu ta wordo spera, y riba esey no a ricibi ni un reaccion te dia di awe. Sinembargo e mandatario ta papia di HOFA , papia di presupuesto y papia di placa di Pais Aruba , pero no ta wak su mes un cara den spiel cu e mes no ta cumpliendo cu regla y ley.