PolicialFeaturedLocal

A pidi 12 aña pa Elvis Weert pa violacion y dos caso di abortus

Elvis Weert

Elvis Weert pa gran parti ta responsabel pa su actonan. Esaki ta e conclusion di Fiscal den e caso penal aki unda cu e acusacion ta actonan di inmoralidad, violacion, practica di aborto y maltrato pisa. Acumulacion di delito ta nifica tambe acumulacion di castigo. Teniendo cu e tipo di delito, e victimanan, Fiscal a conclui den su rekisitorio cu Weert di 61 aña a abusa di su posicion como padrastro di e muchanan aki.

El a viola e confiansa cu e menornan tabatin den dje y kendenan tabata mir’e como tata. Un di nan a bisa cu a busca den Elvis e cariño di un tata, pesey el a puntra su mama si e por yam’e papi. “Ta berdad mi tabata caricia bo elleboog, pero esey mi ta haci cu mi mama tambe. Mi tabata buscando un cariño di un tata y bo a abusa di e situacion,” e victima a bis’e den un mensahe.

Fiscal a tum’e na malo con e ta trata di hustifica e abortus bisando cu e mucha muhe tambe tabata di acuerdo cu esaki pasobra e tabata jong. “Bo no por spera cu un mucha muhe di 16 aña por tuma un decision asina importante.

E ta desaroya ainda pa sa e consecuencianan cu abo como homber grandi si sa.”
Tambe el a bisa cu e di dos abortus, cu e mes a realisa, a pone bida di e hobencita na peliger. A haci esaki e mes, na cas, y sin tene cuenta cu e aspectonan di hygiene pa protege e mucha muhe.

Niun caminda den e procesverbaal ta para cu e mucha muhe a wordo bon splica di e procedura di abortus y ki consecuencia esaki por tin. Den tur tres caso “bo a viola e relacion di confiansa cu mester tabatin,” fiscal a bis’e. Y a pidi un castigo di 12 aña.

Na final, el a pidi e victima cu ta biba na Hulanda pordon pa caus’e daño. Y el a bisa Hues “bo por matami pa e caso di e mucha muhe cu ta na Hulanda awo pero no pa esun di su rumannan. Mi ta hura cu mi no a mishi cu nan. E dos menornan ey no tabata biba na mi cas. Comunidad tambe mi ta pidi pordon,” el a bisa den su ultimo palabra. Dia 11 di februari tin sentencia di e caso

Related posts

Kario Marcel Pereira: Actor Arubiano den pelicula di NETFLIX

EA News Author

Nos grandinan den casnan di cuido tambe lo wordo vacuna conta COVID-19

EA News Author

Tur cos ta cuminsa cu fieldad na DIOS

EA News Author

Leave a Comment

Whatsapp Message