Arubaanse Voetbal Bond (AVB) a tene nan entrega di licencia B y esaki ta un obhetivo logra p’e departamento di educacion di AVB. Esaki tabata un di e obhetivonan cu nan a proyecta for di cabamento di aña pasa relaciona cu nan plan strategico, diseña pa e President di Arubaanse Voetbal Bond ing. Richard Dijkhoff.
Tur hende sa cu den e ultimo añanan AVB a desaroya enormemente y e departamento di Concacaf tabata na altura di tur ambicion cu e directiva di AVB tabatin ultimo aña, specialmente e vision di e president. Un di e cosnan importante di AVB ta cu el a percura pa su plan strategico tabata bon defini. Den e plan strategico AVB a pone cla pa logra su meta y desaroya futbol riba e aspecto tecnico.
Etienne Siliee, Develpoment Manager Caribbean Concacaf, a splica cu AVB a kies cierto area bon cla, a defini nan bon cla di cua area kier pone atencion di desaroyo. AVB a pone den e parti ey e desaroyo di elite, tambe riba e parti di desaroyo di liga, e parti di desaroyo futbol hende muhe (Women’s Football). A traha riba e desaroyo riba certificacion di e clubnan, e parti di desaroyo di educacion.
Un di e “milestone” tabata e curso pa e B-License, pasobra den desaroyo si no tin instructor of coach cu e cualidad di siña e muchanan bon futbol y percura pa e bon nacional, bo no lo tin resultado positivo. Si no tin bon coach no por yega na un academia elite pa mantene contenido di desaroyo, despues esey ta refleha den e clubnan cu ta e parti di competencia. E ta conta p’e parti femenino tambe.
Tin di aplaudi a base di e ambicion grandi cu AVB tin y a pone riba papel. E organisacion interno tin un bon “arbeidorganisatie”, personanan cu por sirbi y implementa nan plan tecnico cu nan tin. Banda di implementa plan tecnico cierto momento e aspecto di mas importante ta keda un acercamento integra. Educacion ta yuda e academia, asina el a indica. Di otro banda e academia ta yuda e seleccion nacional. Educacion ta yuda competencia, cu ta importante p’e parti di club y licencia.
Siliee a felicita AVB pa loke nan a precede y e forma con nan a desaroya den e ultimo añanan. Como representante di Concacaf e tabata un escogencia balansa di desaroyo tecnico, un escogencia balansa di desaroyo di educacion. E manager di desaroyo di Concacaf di Caribe a felicita algun coach y e tabata den combinacion cu KNVB. Den e parti di aspecto strategico, AVB a pone bon cla cua direccion e kier bay. Tambe tabatin bon cooperacion di Concacaf y KNVB. E ta felicita pueblo di Aruba p’e manera prome cu ambicion, pero na un manera profesional c’un bon vision dilanti. Con AVB a profila su mes den e ultimo añanan den Caribe como federacion CFU y Concacaf. Sr. Etienne Siliee como representante di Concacaf sa e diferencia cu e otro federacionnan, pero como un federacion den CFU y Concacaf a pasa un trayecto grandi di desaroyo ta AVB.
