Politica

Conseho di minister ta aproba nombracion di dos notario nobo, sra. mr. Mayrène Marugg-Helmeyer y sra. mr. Chamila Tromp


ORANJESTAD,Aruba

Na 2019 minister di Husticia mr. Andin Bikker hunto cu Parlamento di Aruba a amplia e cantidad di cuponan pa por tin mas notario, pa asina por agilisa e cantidad di trabow cu a aumenta dor di crecemento di nos economia y poblashon den transcurso di añanan. 
Despues di dicho cambio di ley un proceso di solicitud a wordo hiba y awe Conseho di minister di Aruba a aproba e proposicion di parti di minister di Husticia pa nombracion di dos notario nobo, den persona di sra. mr. C. Mayrène Marugg-Helmeyer y sra. mr. Chamila A. Tromp. Esaki den cuadro di conseho cu minister mr. Andin Bikker a ricibi for di Corte Comun di Husticia, a base di e proceso di solicitud menciona. 
Ambos candidato tin varios aña trahando na Aruba como kandidaat-notaris y tin amplio experiencia den e ramo.Minister di Husticia mr. Andin Bikker ta felicita den nomber di Gobierno di Aruba e dos candidatonan cu e decision di Conseho di minister pa cu nan nombracion. Ademas ta gradici tur otro candidato cu a reacciona a base di e proceso di solicitud.
Cu nombracion di e dos candidatonan adicional, Aruba lo bay conoce awor un total di 6 notario den funcion.

Related posts

Ken ta wewe? E mascota di weganan Escolar 2022

EA News Author

Drs. Mervin Wyatt-Ras: Nos tin hopi pa haci pa yuda nos famianan

EA News Author

E debe cu Hulanda a bay pa yuda esnan cu a keda sin entrada, comercio y pa cubri entrada di Gobierno cu a keda atras

EA News Author

Leave a Comment