Direktorado di Supervishon i Mantenshon di Lei tin gana di sa na kua di e tópikonan bo ta haña ku nan mester dediká mas atenshon den e añanan binidero. Pa e motibu akí e direktorado ta tene un enkuesta kòrtiku bou di habitantenan di Boneiru. E resultadonan ta yuda determiná kua ta e tópikonan ku den e 2 pa 3 añanan binidero ta haña prioridat. Por ehèmpel dùmpmentu ilegal di shushi, kadaver di outo i komestibel ku a kaduká, òf kumplimentu ku leinan di konstrukshon i reglanan pa higiena alimentisio.
E enkuesta ta dura maksimalmente 5 minüt i e ta fásil pa yena. Empleadonan di Direktorado di Supervishon i Mantenshon di Lei ta tene e enkuesta riba kaya tambe pa duna tur hende oportunidat pa partisipá. Por rekonosé nan na nan tishùrt kòrá.
Ta tene e enkuesta na e siguiente sitionan:
Famoso, VDT, Warehouse, Bonaco, Mentor, Kooyman, Caribe, Foodymart, Skol di Deporte Dreamz, Wing Cheung i Rincon Supermarket.
Press release: Gobièrnu di Boneiru