Gobierno di AVP –FUTURO acepta Rijkswet e ora Tweedekamer na Hulanda lo tuma decision pa Aruba su gobierno na Aruba. Parlamentario Dangui Oduber ta duna di conoce cu si gobierno bay diacuerdo cu Rijkswet e ta kita e autoridad di Parlamento di Aruba y poco poco ta bay den direccion pa bira un munisipio di Hulanda manera Boneiro.
Segun parlamentario Dangui Oduber gobierno ta papia di un excet betaling, pero lamentablemente parlamento no ta keda informa di nada. Parlamento a ricibi un “technishe brief” di loke ta wordo negosha pero e ta mane un hotel california, unabes cu drenta den e Rijkswet bo no ta Sali mas. Segun parlamentario Dangui Oduber Hulanda ta forsa Aruba pa tuma e Rijkswet cu un interes reduci y Pais Corsou dia e la bira Pais na 10-10-10 nan a wordo condiciona pa bay diacuerdo cu Rijkswet, pero acambio di e Rijkswet corsou a haya un kwijtscheiding . Den e caso aki Hulanda a paga mas di 5 biyon florin di debe pa Corsou , den e caso di Aruba e Pais ta haya un reduccion di interes di 5.4 pa 3.4% pero Aruba ta keda cu su debe.
Parlamentario Dangui Oduber ta indica cu si Hulanda kier trata Aruba igual y na un manera husto y si kier papia di un Rijkswet mes , husto lo ta pa trata Aruba mes un cos como partnernan igual den Reino Hulandes , loke cu a haci pa Corsou mester haci pa Aruba tambe , pero esaki Hulanda no a haci pa Aruba y e trato ta diferente, pesey MEP ta contra di e Rijkswet den su totalidad debi cu Aruba ta perde su autonomia y derecho di voto como miembro di parlamento. Hulanda ta dunando Aruba un trato inhusto y tampoco no ta trata Aruba como partnernan igual den Reino Hulandes.
Parlamentario Dangui Oduber ta spera cu partido AVP reconsidera su posicion paso ta mira cu partido FUTURO e dos entreguistanan di Pais Aruba esta Minister Geroffrey Wever y Minister Gerlien Croes ta cla para pa entrega y bay diacuerdo cu tur cos pa un sakito di placa chikito.
Sinembargo Aruba no tin mester di e placa ey cu nan kier debi cu na e momentonan aki Aruba tin un surplus di 500 miyon, tin supervision financiero hancra den e LAFT y Aruba ta cumpliendo cu tur su obligacionnan financiero y e GDP ta bahando caba na 70% . Aruba ta demostrando cu e por riba su mes y parlamentario Dangui Oduber ta duna di conoce cu no ta mira ningun hustificacion pa entrega Aruba su autonomia na Hulanda. Si gobierno di AVP -FUTURO tuma e Rijkswet ta paso nan como politico kier entrega Aruba na Hulanda, no cu Aruba lo no por riba su mes.