SocialLocal

E di 14 grupo di Sociale Vorming Trayect (SVT) a cuminsa

Sociale Vorming Trayect Svt 4

Den oranan di mainta tempran na Marinier Kazerne na Savaneta e di 14 grupo di Sociale Vorming Trayect (SVT)  a  cuminsa. Capitan Kelly ta esun cu a tuma e muchanan over den oranan di mainta, un total di 24 hoben cu a tuma e decision  pa drenta e trayectorio aki pa haci un cambio den nan futuro.
E proyecto aki ta duna e hoben un di dos oportunidad den bida. Segun capitan  Kelly e grupo ta cuminsa cu 24 hende y ta spera cu tur 24 por pasa e trayectorio aki, sinembargo tur cos ta keda na e hobennan mes. E tarea di e lidernan cu ta atende cu e muchanan ta pa nan yuda  y motiva  e hobennan, pero entre nan mes, como hoben tambe mester keda motiva nan mes pa yuda otro y pa no give up.
Cada hoben cu a tuma e decision aki pa drenta e grupo di formacion social ta hobennan cu den na curason nan kier un cambio. Tur e esunnan cu ta lidera ta esnan cu ta militar cu lo duna nan conocemento y aporte pa encurasha tur e 24 hobennan, no lo ta facil , pero e no ta imposibel. E hoben ta siña algo nobo , pero e militar nan tambe ta siña 24 tipo di caracter pa atende cu ne y cada un di nan lo siña atende cu nan tambe na e miho manera den e liña militar.
Loke cu tambe ta un punto esencial ta e mayornan, awor cu cada un hoben a haci nan prome stap e mayor di cada un di nan  tambe mester duna di nan parti pa duna  nan yiu e sosten. Na momento cu e hoben  ta bay cas bek, nan ta bay den un nivel diferente y loke ta importante ta pa e mayornan motiva nan y no laga nan bay cas y despues nan ta bay atras un biaha mas  ta bolbe cay den e circulo cu tanto nan a traha riba dje pa nan a sali di dje, pesey ta importante pa keda motiva y ora cu nan mester bin bek nan ta bin bek cu hopi mas gana pa sigui.
Jessica Ras ta un dama cu a cuminsa cu e proyecto Sociale Vorming Trayect (SVT)  for di un principio y ta sumamente contento cu a habri un mainta asina positivo pa cu e hobennan cu a tuma e decisionnan aki den nan bida. Den e grupo prome e hoben cu a haya COVID mester a sali afo y bay cas, pero e biaha aki a cambia e protocol unda cu e hoben cu haya COVID den e grupo nobo cu a drenta SVT lo tuma e paso nan corecto y lo mira e desaroyo di e mucha prome cu tuma e decision pa mande cas.
Desde aña pasa tambe ta trata di pone un grupo di hende muhe pa haci e proyecto aki den nan bida. Desde cu gobierno di Aruba a firma hunto cu Hulanda SVT a haya peticion di dos mucha muhe y nan a drenta di februari caba y asina nan lo sigui stap pa stap nan trayectorio henter e proyecto di SVT. Den kazerne mes no tin hende muhe , pero e ta un porta unda cu e hende muhe tambe por keda acepta na arumil, esaki ta un di e metanan sigur nos dilanti, segun Jessica Ras. Actualmente ya caba tin 10 mucha muhe cu ta interesa pa nan por drenta den e proyecto aki 5225352 of via di facebook page formacion social -SVT

Sociale Vorming Trayect Svt 1Sociale Vorming Trayect Svt 2Sociale Vorming Trayect Svt 3Sociale Vorming Trayect Svt 4

Related posts

Diferente ley di trafico a caba y ningun hende no ta informa

EA News Author

Corte di Prome Instancia cu diferente caso dia 16 februari 2022

EA News Author

Dezhi buscando companianan den sector prometedor

EA News Author

Leave a Comment

Whatsapp Message