Giovanny van Gil ta capitan di boto “El Maracucho” cu awe a drenta nos waf nan di barcadera. Awe despues di 4 aña y mei nan ta bolbe Aruba. Na momento cu a para e barconan di bin Aruba nan tambe a sinti e efecto mirando cu nan tin un custumber caba pa basta tempo pa bin Aruba y trece frutanan pa Aruba.
Sinembargo despues di a prohibi pa nan bin Aruba porfin a yega un palabracion entre Venezuela y Aruba unda cu hunto a yega na un convenio y di e acuerdo ey awe nan lo por nabega cu frutanan pa Aruba un biaha mas.
E fruta y berdura cu a yega Aruba awe ta pedidonan cu ya caba a keda haci door di comerciantenan cu ta busca mercancia di fruta y berdura pa Aruba. Tur e cargashon cu tin destinacion caba pa asina e comunidad di Aruba por cumpra fruta y berdura na un miho prijs cu ta bin di Venezuela.
Sinembargo Capitan di e boto Giovanny Gil ta haci un yamada na comunidad di Aruba, pero tambe na tur e supermercadonan cu nan por tuma contacto representante di” El Maracucho cu ta aki na Aruba cu ta Angel Castellano pa asina por haci e pedido necesario pa e boto “El Maracucho” por trece e mercancianan di fruta y berdura desea.
Segun e capitan e idea ta pa traha cu e pueblo di Aruba pa asina e pueblo di Aruba por haya un miho prijs riba mercado di berdura y fruta. E boto a sali ayera nochi for di Venezuela y a yega awe den oranan di mainta na waf di barcadera na Aruba unda cu tur cos a cana bon y e tempo tambe tabata bon.
E boto “ El Maracucho “ a yega pa 6 or di mainta na waf di barcadera. E intencion te cu na e momentonan aki ta pa bin Aruba 1 bes pa siman, na momento cu tin mas demanda pa producto lo mester evalua si lo por bin mas biaha den un siman pa haci entrega di e berdura y fruta. Sinembargo no ta solamente “El Maracucho” a yega Aruba awe, pero Gaviota II tambe a yega despues di 4 aña na Aruba bek pa asina haci entrega di e productonan necesario, pero no ta descarta cu lo tin mas boto cu lo trece mas producto pa Aruba.
1 comment
[…] Source link […]