Fraccion di Partido Patriotico Arubano (PPA) a vota contra e Presupuesto 2026 di Pais Aruba, debido na falta di respuesta di parti di Gobierno riba preguntanan esencial relaciona cu e presupuesto.
Segun parlamentario Eduard Pieter di fraccion di PPA, e partido no por a sostene e presupuesto, considerando cu te dia di awe Gobierno di Aruba ainda no a presenta respuesta por escrito riba e preguntanan someti pa PPA. Pieter a recalca cu transparencia y claridad ta elemento fundamental den un proceso presupuestario, y cu sin e informacion necesario, Parlamento no por tuma un decision iresponsabel.
PPA a manifesta su preocupacion riba e manera cu e proceso a wordo maneha, y a indica cu e falta di comunicacion di parti di Gobierno a contribui pa nan decision di vota contra e presupuesto. Gobierno di Aruba tin varios pregunta cu mester contesta y no ta haci esaki.