Featured Bonaire Internacional

Gezaghèber Rijna na Kongreso di VNG: Sostenibilidat ta den DNA di bonerianonan


Durante e kongreso anual di Asosashon di Munisipionan Hulandes (Vereniging Nederlandse Gemeenten – VNG) gezaghèber Rijna a ekspresá su mes ku elogio tokante kon komunidat boneriano ta superando e pandemia di corona i e krísis ekonómiko ku a sigui esaki.

Pa motibu di Covid-19 a livestream e kongreso for di ofisina prinsipal di Asosashon di Munisipionan Hulandes. Parti di e programa tabata un entrevista ku e periodista Marcia Luyten tabatin ku Rijna. Gezaghèber Rijna a elogiá e manera ku empresarionan a anda ku e lockdown. Gezaghèber a papia ampliamente tambe tokante e tema di sostenibilidat.

Ya pa hopi tempu promé ku a inventá e palabra ‘sostenibilidat’, esaki tabata denDNA di bonerianonan kaba. Nos isla tin no ménos ku dos parke nashonal di naturalesa protehá: Washington-Slagbaai (un di esunnan mas bieu di Hulanda) i Parke Marino Boneiru, asina Rijna a suprayá i el a añadí ku den e temporada despues di corona, sostenibilisashon di turismo ta haltu riba agènda.

Meskos ku e otro partinan karibense di Reino, Boneiru ta miembro di Asosashon di Munisipionan Hulandes. Regularmente e asosashon ta organisá treinen pa diputadonan i miembronan di  e konsehonan insular.

Related posts

Dia Internacional di Persona cu Limitacion 2020

EA News Author

Directie Scheepvaart Aruba (DSA) cu apelacion na doño di botonan local

EA News Author

Diputado James Kroon a batisá mulina nobo di LVV

EA News Author

1 comment

Leave a Comment