OM a entrega materialnan confisca na Otmar Oduber.Awe den oranan di dia exminister Otmar Oduber a acudi na Landsrecherche. No pa interogacionnan pero pa busca su propiedadnan cu tabata man den husticia.
E la lamenta cu husticia (OM) ta laga su mes wordo uza políticamente den su caso.
Na inicio di siman el a haya yamada di Landsrecherche cu e por pasa busca su pertenencianan confisca durante dos razzia den investigacion Flamingo. E exmandatario a bisa cu tur e cosnan aki cu ta tuma luga den caso Flamingo ta basa riba un keho falso di exminister Marisol Lopez Tromp. Den un declaracion cu el a duna den pasado caba el a bisa cu e lo entrega keho contra Lopez Tromp pa haci denuncia falso.
Oduber na salida a cuestiona e hecho of forma con investigacion a cuminsa unda cu despues di tanto fanfarea riba miyones cu el a horta, na final a keda cu solamente dos acusacion di cual te ainda no tin un decision si ta hiba e caso dilanti Hues of no. Por seponeer e caso si no tin base pa caso bay dilanti. Tambe por yega papia cu e partido pa mira si ta paga un boet pa e caso no bay dilanti.