Mikayla V. Ribeiro MA, ku a nase i krese na Kòrsou, resientemente a haña su titulo di Master ku un investigashon sientífiko den Estudionan Literario na Universidat di Amsterdam.
Ela risibí su titulo di bachelor na Amherst College, Massachusetts, kaminda ku el a studia ingles i Black Studies ku ta historia, kultura i polítika di e hende den diáspora afrikano i di Afrika.
Su tesis di Master ‘Kura Relashonnan Ekológiko den Literatura Papiamentu: “un estudio di fikshon kòrtiku di Karibe Hulandes” ta eksplorá kon outornan Elis Juliana, Frank Martinus Arion i Guillermo Rosario a imaginá relashonnan ku e mundu natural.
Studiando kon eskritornan di Karibe Hulandes a respondé na i a imaginá huntu ku i mas ayá di retonan natural histórikamente, por krea un plan pa sanashon lokal, dekolonial, ekológiko pa bai dilanti.
Konta kuenta na Papiamentu ta nifiká krea for di paden e imaginario di e teritorio aki.
Ribeiro su investigashon a eksplorá temanan di tera komo un archivo, cuerpo-teritorio, kontamentu di historia (oral) komo sanashon, sobrebibensia kolektivo i sanashon ekológiko komo spiritual i físiko.