Lider di fraccion di AVP Jennifer Arends Reyes ta elabora loke ta e plafon di salario di maestronan aki na Aruba. Segun e parlamentario esaki ta un punto di discusion unda cu ya caba varios rapport a keda traha. Sinembargo ta kere cu mester evalua kico ta e miho escogencia y fraccion di AVP ta duna e espacio ey na e minister di enseñansa.
E plafon pa e maestro ta te cu 38 aña unda cu e maestro no ta crece mas den e organisacion y riba nan salario, esaki ta un punto di discusion importante den e parti di herstructurering unda cu hopi persona ta bisa cu no mester bay inventa e wiel dinobo debi cu ta hopi rapport a traha y a keda atras. Sinembargo lider di fraccion di AVP ta enfatisa cu mester tene cuenta cu hopi aña ya caba a pasa y asina mester keda evalua kico ta e miho escogencia. Tambe cada anja e grupo ta cambia y e dinamica ta cambia den cuanto ta e docentenan cu ta cuminsa , esnan cu a yega e edad di 38 caba y e docentenan cu ta un poco mas grandi.
Lider di fraccion di AVP Jennifer Reyes ta indica cu sigur tur e puntonan aki cu ya caba a keda evalua lo bolbe bay wordo evalua y por a compronde cu actualmente ta trahando hopi intensivo riba e topico aki. Tambe ya caba fraccion di AVP a puntra den e presupuesto supletorio riba e parti aki y hasta tabatin un mocion.
Sinembargo den e reunion di presupuesto supletorio e mandatario ya caba a duna indicacion cu e ta trahando riba e parti aki y lo mester aloca fondo pa implementa e restructuracion salarial di maestronan. Sinembargo na e manera cu e parti aki ta bay wordo implementa esey ta loke fraccion di AVP ta wardando na e momentonan aki debi cu kier mira den corto plazo di kico por haci.
Tambe por a tuma nota cu tabatin otro mocionnan riba loke ta e plafon di maestronan, pero kier trata esaki holisticamente.
Segun lider di fracicon di AVP Jenniffer Reyes gobierno no solamente kier wak e na cuminsa di e plafon debi cu na momento cu cuminsa cu e parti aki como un “tussen oplosing “ solucion intermedio, paso mester mira si e ta bay tin efecto riba e otro nan tambe. Pa e motibonan aki ta dunando espacio na minister di enseñansa pa e topico aki.