Dia di mama ta un dia special pa tur mama. Un mama su contribucion den bida ta pasa keto, pesey mes dia international di mama cu ta keda celebra den luna di MEI ta pa reconoce e balor di un mama cu a pone su esfuerso den e exito di su yiunan. Sinembargo e dia aki tambe ta pa gradici nan y haci e dia special pa nan.
Tur e relashonan conoci pa e ser humano tin uno cu por supera sin esfuerso tur cos. Esaki ta e relacion cu un mama y su yiunan ta comparti hunto. Comparti cu bo mama ta realmente valioso paso nada bo no por compara cu e amor, dedicacion y e devocion di un mama pa su yiunan. Di e momento cu un mucha nace e mama ta sigura fuertemente cu nan yiunan por sinti nan mes protegi den tur momento rond di dje y hasta tin ora hasta e yiu ta logra moldea e mama su personalidad pa nan por logra gara e mama su curason. Dia di mama ta un dia cu tur mama ta celebra den union di famia pa cada un di esnan cu ta rond di dje reconoce e contribucionnan di un mama den bo bida.
Sinembargo tambe tin yiunan di un manera of otro no ta biba cu nan mama hunto y kisas no tin contacto mas tampoco, esaki ta partinan kibra di un famia, importante ta pa siña pordona y conoce otro y trata di compronde otro pa ambos temperatura baha y of e miedo di rechaso ser kita, lubida pasado y uni como mama y yiu cu DIOS a scoge pa ta parti di otro.
Rond mundo tambe tin e yiunan cu nan mama a fayece y of mama nan cu nan yiunan a fayece cu ta perdidanan fuerte pa ambos y e celebracion di dia di mama no lo ta un celebracion manera tur famia, sinembargo e ser humano cu a fayece ta keda biba den e curason di e persona cu no tin un conexsion humano, no por papia cu ne, no por puntra conseho, no por brasa , practicamente no por haci nada mas unda cu mayoria bes ta keda un bashi cu nunca mas no ta yena. Pa e dia di mama di 2022 dedica na bo mes , resa y gradici DIOS y bo mama of bo yiu “ Danki pa a forma parti den bo bida den un corto tempo. Felis dia di mama Aruba